كان ماهمك غيابي وفرقاي

كان ماهمك غيابي وفرقاي ...

تدري وش أكثر شي خفته بدنياي
إنك [ تغيب ] ورجعتك [ مستحيله ] ...!!

وتدري وش أعذب مالمسته بيمناي !!
[ خدّك ] ../ وفاحت في يميني خميله ..!!

وتدري متى حسّيت أنّي بلا راي !!
ساعة [ توادعنا ] ../ خليل وخليله ....!!

ولحظة [ رحلت ] .. وغرّد الجرح والناي
عرفت أن أيام عمري قليله ....!!

عرفت ليه الحين جيتك من أقصاي !!
لأن مالي بقلبك اليوم حيله...!!

دامك [ تبكيني ] ../ ولا تسمع بكاي
أبكي أكثر ..والليالي طويله ...!!

أبحترق ../ وأدفا .. بناري وبلواي
وش حيلتي وعروق قلبك بخيله ....!!

[ البرد ] ماحسّ بشعوري وشكواي
ولا لقيت إلا [ القصيد ] أشتكيله ....!!

أبغى ألاقي [ موطن ] لبسمة شفاي !!
وأبغى من [ إحساس ] المحبين ../ ليله ....!!

وأبغى أرجّع [ نكهة الطيش ] ل .. أشياي !!
وأرجّع أيام الحياة الجميله .!!

وأن كان .. ماهمّك غيابي وفرقاي
شف [ غيبتك ] ... ياهي وربّي ثقيله...!!

ملّيت [ ألمحّ لك ] ../ وأسافر بلياي
وماعاد به غايه تبرّر وسيله ...!!

والله يستر ياحبيبي من الجاي
مدام كل إنسان [ قلبه دليله ] ..!!

وتدري وش أكثر شي [ خفته ] بدنياي ..؟!
إنّك [ تغيب ] ورجعتك [ مستحيله ] ...!!

[ندعوك للتسجيل في المنتدى أو التعريف بنفسك لمعاينة هذا الرابط]

كلمات في غاية الرووعة

يعطيك الف ال فعافية

بانتظار جديدك بكل شوووق

أجمل ما راق لي
من همسات...همستها لنا
من أعماق قلبك المرهف
تتمكن من الوجدان ...
أوضحت غرقك ببحر العشق
وأغرقتنا معك...